AMICS !

Dempuèi qualques meses la lenga Occitana torna ressondir al còr de Tolosa, dins lo mètro, simbòl de modernisme e d'avenir, raja a l'endejós tol mas aquesta font sosterrana demanda pas mai que de tornar abeurar las nòstras aurelhas encatadas al plen aire e en tot luòc !
Ça que là, d'unes seràn  tarabustat pel retorn tant "audible" d'una lenga dicha mòrta, o vulgara, o despassada eca eca... Seriá melhor en anglés per exemple...(Tè es vertat qu'en anglés se diriá « short-legs » en plaça de bassa camba çò que seriá un progrès real !)

Los nòstres detractors an çò-dison un "grop" sus "Facebook" de 10 000 personas (fòrça son a l'estrangièr e dobti qu'ajèsson ja bandar lo nas a Tolosa...)

Per contra Actu-Toulouse a lançat un sondatge verdadièr : i a uèi mai de 1100 signaturas en favor del mètro contra solament un centenat contra : çò que dona una proporcion de 90/100 !

Mas desiram relevar aquela competicion per provar, dins  aquestes temps d'eleccion, que lo respècte de la lenga occitana es un enjòc e que daissarem pas degun contunhar la discriminacion culturala contra que la nòstra cultura se bat dempuèi tròp temps ! Volèm pas impausar l'occitan contra lo francés : volèm lo respècte de la dignitat de la nòstra lenga e un bilingüisme verdadièr pertot ont aquò es possible coma dins los grands païses civilizats (Canadà, Espanha eca...)

Vos demandi alavetz de far un  gèst pichonèl : far un clic sul ligam çai-jós e VOTAR "per l'occitan dins lo mètro" e sustot difusar aqueste messatge a la vòstra tièra d'amics en lor demandan se far autant !

Lo nòstre objectiu : erèm 25 000 manifestants a Carcassona e a Besièrs : nos cal èsser 25 000 (almens) a dire sul net qu'a "Tolosa l'occitan nos agrada dins lo mètro !"

D'efièch, mòure aquelas anóncias (çò qu'envisat) seriá un còp terrible per la lenga nòstra : la nòstra credibilitat ne depend.

Compti verdadièrament sus la vòstra ajuda e vos mercegi per abanci :

Un brave mercés, plan coralament vòstre

JOAN FRANCES LAFFONT
President de la Convérgencia Occitana

CONVERGÉNCIA OCCITANA
Grop Convergéncia Occitana Comunicacion